Raza Musani 
بغداد: عراق میں عصائب اہل الحق گروپ کے رہنما قیس الخزالی کا کہنا ہے کہ اس گروپ نے اب تک عراق میں موجود قابض امریکی افواج کے خلاف 5 ہزار کارروائیاں کی ہیں۔ تحریک کے قیام کی 20ویں سالگرہ پر خطاب کرتے ہوئے قیس الخزالی نے کہاکہ عراق میں امریکی قابضین کے خلاف کارروائیاں جاری رہیں گی۔ تحریک جن اصولوں کی بنیاد پر قائم کی گئی ہے اس پر وہ پختہ یقین رکھتی ہے۔ الخزالی نے کہا کہ تکفیری دہشت گردوں کے خلاف عراق کے مقدس حرموں کے دفاع میں عصائب اہل الحق نے اہم کردار ادا کیا ہے، ہم عراق اور اس کے عوام کے لیے اپنی جانیں قربان کرنے والے پہلے لوگ بننے کے لیے تیار ہیں۔انہوں نے کہا کہ مزاحمتی گروہوں نے شام میں بھی مقدس مقامات کے دفاع میں اہم کردار ادا کیا ہے جب تکفیری دہشت گردوں نے انہیں مسمار کرنے کی کوشش کی۔
