Raza Musani 
لندن: کئی ماہ تک اسرائیل کے جنگی جرائم کی حمایت کرنے والے برطانیہ۔ کینیڈا اور یورپی یونین سمیت اٹھائیس ممالک نے غزہ میں غیر انسانی قتل کی مذمت کرتے ہوئے فوری جنگ بندی کا مطالبہ کیا ہے۔
اٹھائیس ممالک کے وزرائے خارجہ اور دیگر نمائندوں نے کہاکہ غزہ میں شہریوں کے مصائب نئی گہرائیوں تک پہنچ چکے ہیں۔ اسرائیلی حکومت کا امداد کی ترسیل کا ماڈل خطرناک ہے یہ عدم استحکام کو ہوا دیتا ہے اور غزہ کے لوگوں کو انسانی وقار سے محروم کرتا ہے۔ بیان میں غزہ ہیومینٹیرین فاؤنڈیشن کے امدادی آپریشن کے دوران سینکڑوں اموات کو خوفناک قرار دیتے ہوئے کہا گیا ہے کہ اسرائیلی حکومت کا شہری آبادی کو ضروری انسانی امداد کی فراہمی سے انکار ناقابل قبول ہے۔ اسرائیل کو بین الاقوامی انسانی قانون کے تحت اپنی ذمہ داریوں کی تعمیل کرنی چاہیے۔
کئی ماہ تک جنگی جرائم کی حمایت کرنے والے ممالک کے بیان میں جنگ روکنے اور امدادی سامان کی تقسیم کا مطالبہ کیا گیاہے۔ بیان میں کہا گیاہے کہ اسرائیل فوری طور پر امداد کے بہاؤ پر سے پابندیاں ہٹائے اور فوری طور پر اقوام متحدہ اور این جی اوز کو جان بچانے کے کام کو محفوظ اور مؤثر طریقے سے کرنے کی اجازت دے۔
بیان پر دستخط کرنے والے ممالک میں فرانس، اٹلی، ڈنمارک، جاپان۔ آئرلینڈ اور بیلجیئم بھی شامل ہیں۔
