Raza Musani 
غزہ : صیہونی فوج نے غزہ میں جاری اپنے تازہ ترین حملوں میں مزید بائیس فلسطینیوں کو شہید کردیا۔ جبکہ بھوک کی شدت سے مزید چار فلسطینی دم توڑ گئے۔
صیہونی فوج نے غزہ سٹی سے انخلا کے حکم کے بعد اپنے حملوں میں اضافہ کردیا ہے۔ غزہ سٹی کے مختلف مقامات پر حملوں میں خواتین اور بچوں سمیت سترہ فلسطینی جان سے گئے۔ جبکہ خان یونس میں ڈرون حملے میں پانچ فلسطینی شہید کئے گئے۔
اسرائیلی فوج کے حملوں میں پناہ گزینوں کے خیموں اور مکانات کو نشانہ بنایا گیا۔ صیہونی فوج نے امداد کے منتظر فلسطینیوں پر بھی فائرنگ کی جس میں کئی افراد زخمی ہوئے۔
ادھر اسرائیلی فوج نے غزہ کی پٹی کے شمال میں واقع الدرج اور التفاح محلوں کے رہائشیوں کے لیے انخلا کے احکامات جاری کر دیئے ہیں۔ اور انہیں المواصی کی طرف جانے کا حکم دیا گیاہے۔ بھوک کی شدت سے مرنے والوں کی تعداد دو سو ہوگئی ہے۔
