Raza Musani 
غزہ : صیہونی فوج نے تازہ حملوں میں مزید بائیس فلسطینی شہید اور کئی زخمی کردئے جبکہ مزید چودہ علاقوں سے فلسطینیوں کو انخلا کا حکم دے دیا ہے۔ صیہونی فوج نے دیر البلاح کے داخلی راستے پر پانچ سے زیادہ ڈرون حملے کئے جس میں دس فلسطینی شہید اور متعدد زخمی ہوگئے۔ غزہ سٹی میں ایک اپارٹمنٹ پر جنگی طیارے کی بمباری سے کمسن بچی سمیت مزید تین افراد شہید ہوئے۔ خان یونس اور جبالیہ پر حملوں میں بھی کئی شہادتیں رپورٹ ہوئی ہیں۔
ادھر اسرائیلی فوج نے شمالی غزہ میں العودہ اسپتال کے قریب ایک روبوٹ کو دھماکا خیز مواد سے اڑا دیا، جس سے اسپتال کے بنیادی ڈھانچے کو کافی نقصان پہنچا اور ادویات کے ذخیرہ میں آگ بھڑک اٹھی۔ دوسری جانب صیہونی فوج نے شمالی غزہ کے چودہ علاقوں کے مکینوں کو انخلاء کے احکامات جاری کردئے ہیں۔
