Raza Musani 
مقبوضہ بیت المقدس: اسرائیل کی صیہونی فوج نے مغربی کنارے میں فائرنگ کرکے مزید دو فلسطینیوں کو شہید کردیا۔ صیہونی فوج نے مغربی کنارے کے شہر طولکرم کے نورالشام مہاجر کیمپ پرصبح سویرے چڑھائی کردی۔ صیہونی فوج نے چھاپا مار کارروائی کے دوران فلسطینیوں پر فائرنگ کی۔ گولیاں لگنے سے تین فلسطینی زخمی ہوئے جنہیں اسپتال پہنچایا گیا۔ بائیس سالہ ثمرصالح شافعی اور عمر حمزہ جمیل جام شہادت نوش کرگئے۔ تیسرے زخمی کی حالت بہتر ہے۔ فلسطینی اتھارٹی نے خبردار کیا ہے کہ اسرائیل کے فلسطینیوں کے خلاف روزانہ کے جرائم میں اضافہ خطے کے لیے سنگین نتائج کا باعث بن سکتا ہے۔ صدر محمود عباس کے ترجمان نبیل ابو رودینہ نے امریکا پرزور دیا کہ وہ صیہونی حکومت کی جارحیت کو فوری طور پر روکنے کے لیے قدم اٹھائے۔
