Raza Musani 
منیٰ : سعودی عرب میں شدید گرمی سے 14 سے زائد حجاج جاں بحق اور درجنوں کی حالت خراب ہوگئی۔ شدید گرمی میں ٹرین، بس اور دیگر ٹرانسپورٹ بند کرنے سے حجاج کو دو کلومیٹر کا سفر پیدل کرنا پڑا جس سے کئی بزرگ حجاج راستے میں گرکر جان کی بازی ہارگئے۔ افسوسناک صورتحال یہ ہوئی کہ کئی گھنٹوں تک لاشیں سڑکوں پر پڑی رہیں اور انہیں اٹھانے والا کوئی نہیں تھا۔ حجاج نے حج کے ناقص انتظامات پر شدید غم وغصہ کا اظہار کیا ہے اور گرمی میں ٹرانسپورٹ بند کرنے کو ظلم قرار دیا ہے جس کی وجہ سے حجاج کو پیدل سفر کرنا پڑا۔
