مغربی کنارے پر صہیونی قبضے کو ہرگز تسلیم نہیں کیا جائے گا،یورپی یونین

صہیونی قبضہ بین الاقوامی ضابطوں کی خلاف ورزی شمار ہوگا
برسلز(نیوز ڈیسک) یورپی یونین نے اعلان کیا ہے کہ مقبوضہ فلسطین کے مغربی کنارے پر صہیونی قبضے کو ہرگز تسلیم نہیں کیا جائے گا، یورپی یونین میں خارجہ امور کے سیکریٹری جوزف بورل نے ایک بیان میں واضح کیا کہ 1967میں ہتھیائے گئے فلسطینی علاقوں کے تعلق سے اْس کے موقف میں کوئی تبدیلی نہیں آئی ہے، عالمی قوانین من جملہ سلامتی کونسل کی قرار دادوں، 242 اور 338 کے پیش نظر یورپی یونین مغربی کنارے پر اسرائیل کے قبضے کو تسلیم نہیں کرے گی، فلسطینی علاقوں پر ہر قسم کا صہیونی قبضہ بین الاقوامی ضابطوں کی خلاف ورزی شمار ہوگا۔