Ilyas اسرائیل فلسطینیوں کے گھروں کو گرانے کا سلسلہ فوری بند کرے
برسلز(نیوزڈیسک) یورپی یونین نے مقبوضہ علاقوں میں فلسطینی گھروں کو مسمار کرنے کے صہیونی حکومت کے اقدام کی شدید مذمت کی ہے،واضح رہے کہ صہیونی حکومت نے وادی اردن کے شمال میں واقع خربہ حمصہ نامی گاو ¿ں میں فلسطینیوں کے گھروں کو منہدم کر دیا تھا ، یورپی یونین کے ترجمان پیٹر اسٹینو نے کہا کہ وسیع پیمانے پر کیا گیا یہ انہدام ایک بار پھر اسرائیل کی جانب سے فلسطینیوں کے گھروں پر قبضے اور ان کے انہدام کے عمل کی تائید کرتا ہے جو اس نے رواں سال کے آغاز سے شروع کر رکھا ہے۔ انھوں نے کہا کہ اسرائیل غرب اردن کے راس التین علاقے میں واقع ایک فلسطینی اسکول کو بھی منہدم کرنے کی دھمکی دے رہا ہے جو یورپی یونین کے پیسے سے چل رہا ہے ،52 اسکولوں کو منہدم کیے جانے کا خطرہ لاحق ہے ، اس طرح کے اقدامات دو ریاستی حل کی راہ میں سنجیدہ رکاوٹ ہیں اور یورپی یونین ایک بار پھر اسرائیل سے مطالبہ کرتی ہے کہ وہ ان تمام انہدامی اقدامات کو فوری طور پر بند کرے
