Ilyas امریکا عراق کے اقتصادی وسائل پر قبضہ کرنا چاہتا ہے،عراقی تنظیم
بغداد (نیوز ڈیسک) عراق کی اسلامی مزاحمتی تنظیم نجبا کے سیکریٹری جنرل اکرم الکعبی نے کہا ہے کہ ہمارے پاس شہید سلیمانی کے قتل کے حوالے سے اہم دستاویزات موجود ہیں ، امریکا عراق کے اقتصادی وسائل پر قبضہ کرنے کی کوشش کر رہا ہے اور ا ±س نے اِس سلسلے میں عراق کے صدر کو سفارتی تعلقات توڑنے اور عراق کے خلاف پابندیاں عائد کرنے کی دھمکی بھی دی، جو امریکا کی بہت بڑی گستاخی ہے،امریکا عراقی عوام کا خیر خواہ نہیں اور نہ ہی اس کو عراق میں امن و امان قائم کرنے میں کوئی دلچسپی ہے بلکہ امریکا عراق میں تفرقہ اور عدم استحکام پیدا کرکے عراق کے اقتصادی وسائل پر قبضہ کرنا چاہتا ہے، امریکاعراق کو آباد کرنے نہیں بلکہ تباہ کرنے کے لئے آیا ہے،اکرم الکعبی نے کہا کہ امریکا کو خطے میں سعودی عرب اور متحدہ عرب امارات کی بھر پور حمایت حاصل ہے اور یہ دونوں عرب ممالک خطے میں امریکا اور اسرائیل کے مفادات کو تحفظ فراہم کر رہے ہیں اور عراق میں مظاہروں کے پیچھے سعودی عرب اور متحدہ عرب امارات کا ہاتھ ہے
