سعودی فوجی ٹھکانوں پر ڈرون سے ایک اور حملہ

عرب اتحاد کی وحشیانہ بمباری سے خواتین شہیداور زخمی
ریاض(نیوز ڈیسک) حوثیوں نے سعودی عرب کے اندر فوجی ٹھکانوں کو ایک بار پھر بارود ی ڈرون سے نشانہ بنایا،عرب اتحاد نے دعویٰ کیا ہے کہ ڈرون کو ہدف پر پہنچنے سے پہلے ہی ناکام بنادیا گیا،عرب اتحاد کے ترجمان برائے یمن کرنل ترکی المالکی نے الزا م لگایا کہ حوثی دانستہ طور پر سعودی عرب کی سول تنصیبات اور شہریوں کو منظم طریقے سے مسلسل نشانہ بنارہے ہیں ،ادھریمن کے خلاف سعودی عرب کی وحشیانہ جارحیت کا سلسلہ جاری ہے، مغربی صوبے الحدیدہ کے شہر الحوک پر شدید گولہ باری سے پانچ خواتین شہیداور زخمی ہوگئیں، کئی مکانات تباہ ہوگئے،یمن کی اعلی سیاسی کونسل کے سربراہ محمد علی الحوثی نے اپنے بیان میں اقوام متحدہ پر تنقید کرتے ہوئے کہا کہ اقوام متحدہ جارح حکومتوں کی خوشنودی حاصل کرنے کے لئے ان کی سبھی تجاویز کو منظور کر رہی ہے، اقوام متحدہ نے اب تک یمن کی قومی حکومت کی ایک بھی تجویز منظور نہیں کی ہے