جمہوری نظام کی تباہی کی وجہ احتجاجی سیاست ہے، فائزہ نقوی

لاہور(پ ر ) جمعیت علمائے پاکستان شعبہ خواتین کی صدر سیدہ فائزہ نقوی نے کہا ہے کہ کرپشن سے پاک معاشرہ اور اصولی سیاست ہی پاکستان کا مقدر ہے جس کے لئے ہمیں کوشش جاری رکھنی چاہیے،پاکستان جمہوری جدوجہد کے ذریعے اسلام کے نام پر حاصل کیا گیا۔ مگر ہم جمہوریت پر توجہ دے سکے اور نہ ہی اسلامی نظام کا نفاذ ممکن ہوسکا، اس تباہی کی وجہ سیاسی افراتفری اور احتجاج کی سیاست ہے،پی ڈی ایم کی جماعتیں غور کریں ،افراتفری سے انہیں کیا حاصل ہوگا۔ عمران خان کے دھرنے پر تنقید کرنے والے خود اسی احتجاجی روش پر عمل کر رہے ہیں، یہ منافقت کی سیاست ہے، اس سے اجتناب کر کے قومی مفادات کا تحفظ کرناچاہیئے۔