گستاخانہ کارٹون ہولوکاسٹ سے انکار کی طرح ہے، ولی امر مسلمین

فرانسیسی نوجوانوں کے نام آیت اللہ خامنہ ای کے پیغام میں ہولوکاسٹ سے متعلق سوال نے مغربی دنیا میں ہلچل مچادی
کیا آزادی اظہار کا مطلب توہین اور بے ادبی ہے،صدر میکرون نے توہین آمیز خاکوں کی حمایت کیوں کی ہے ؟ولی امر مسلمین کا فرانسیسی نوجوانوں کے نام پیغام
ہولوکاسٹ پرشک کرنیوالے کو جیل بھیج دیا جاتا ہے جبکہ پیغمبر کی توہین کی اجازت ہے؟ ولی امر مسلمین کے ہولوکاسٹ سے متعلق سوال نے مغربی دنیا میں ہلچل مچادی
تہران(نیوزڈیسک) ولی امر مسلمین آیت اللہ خامنہ ای کے فرانسیسی نوجوانوں کے نام پیغام میں ہولوکاسٹ سے متعلق سوال نے مغربی دنیا میں ہلچل مچادی ،انسٹا گرام نے ولی امر مسلمین کا فرنچ زبان کا اکاو ¿نٹ عارضی طور پر بند کردیا جبکہ ٹوئٹر نے ان کی ٹوئٹ پر انتباہی پیغام چسپاں کردیا،آیت اللہ خامنہ ای نے اپنے پیغام میں فرانسیسی نوجوانوں سے اپنے صدر سے دو سوال پوچھنے کی سفارش کی تھی ،ولی امر مسلمین نے نوجوانوں سے کہا تھاکہ وہ اپنے صدر سے پوچھیں کہ کیا آزادی اظہار کا مطلب توہین، بے ادبی اور بے احترامی ہے اور انہوں نے توہین آمیز خاکوں کی حمایت کیوں کی ہے ؟ اور توہین بھی پیغمبر اسلام جیسی عظیم اور درخشاں ہستی اور اسلامی مقدسات کی ، کیا فرانسیسی صدر کا احمقانہ اقدام فرانسیسی قوم کے شعور کی توہین نہیں جس نے اُسے صدر منتخب کیا ہے؟ دوسرا سوال یہ ہے کہ ہولوکاسٹ میں شک و تردید کیوں جرم ہے؟ کوئی شخص اپنی تحریر میں ہولوکاسٹ پرشک کرے تواسے جیل کیوں بھیج دیا جاتا ہے جبکہ پیغمبر اسلام کی توہین کی اجازت ہے؟ آیت اللہ خامنہ ای کے ٹوئٹ پر مغربی دنیا نے انتہائی نفرت انگیز اور توہین آمیز جملے لکھے اور انہیں یہودیوں کا دشمن قرار دیتے ہوئے ٹوئٹر انتظامیہ سے ان کا اکاو ¿نٹ بند کرنے کا مطالبہ کرڈالا