پنج شیر میں جنگ کا خطرہ ٹل گیا، طالبان اور شمالی اتحاد میں امن معاہدہ

کابل : افغانستان کے صوبے پنج شیر میں بڑی جنگ کا خطرہ ٹل گیا، طالبان اور شمالی اتحاد نے کامیاب مذاکرات میں امن سمجھوتے پر اتفاق کرلیا، چاریکر کے علاقے میں جاری مذاکرات میں فریقین نے ایک دوسرے پر حملہ نہ کرنے کی یقین دہانی کرا دی، طالبان اور شمالی اتحاد کے درمیان بعض موضوعات پر بات چیت اب بھی جاری ہے، طالبان نے کمانڈر قاری فصیح الدین کی قیادت میں چند روز سے شمالی اتحاد کے گڑھ پنج شیر کا گھیراؤ کر رکھا تھا۔