بھارت کی قومی تحقیقاتی ایجنسی (این آئی اے) نے سرینگر میں تین مقامات پر آر پار تجارت سے وابستہ تاجروں کے رہائشی مکانوں پر چھاپے مار کر تلاشیاں لیں۔ قومی تحقیقاتی ایجنسی (این آئی اے) نے بدھ کی صبح سرینگر میں میں کئی مقامات پرتازہ چھاپے مارے ہیں۔ ذرائع نے بتایا کہ یہ چھاپے شہر کے دانتر کھاہ، بتہ مالو اور مندر باغ علاقوں میں مارے گئے۔ اس دوران این آئی اے اہلکاروں نے قابض فورسز کے ہمراہ آر پار تجارت سے وابستہ رہے تاجروں کے رہائشی مکانوں پر چھاپے مار کر تلاشیاں لیں۔ تلاشیوں کا یہ سلسلہ کئی گھنٹوں تک جاری رہا۔ این آئی اے اور انفورسمنٹ ڈائریکٹوریٹ نے کشمیر میں 2017ء سے درجنوں علیحدگی پسند لیڈران اور تاجروں کو گرفتار کیا ہے، جن میں بیشتر ہنوز جیلوں میں بند ہیں۔
