حزب اللہ اور حماس نے فوجی صلاحیتوں میں بے پناہ اضافہ کرلیا( اسرائیلی اعتراف)

 ایران اور اس کی اتحادی حزب اللہ اور حماس نے اپنی فوجی صلاحیتوں میں اضافہ کر لیا ہے، ان تنظیموں کے پاس بہت جدید ہتھیار موجود ہیں
 گذشتہ ایک عشرے کے دوران حماس اور حزب اللہ نے فورسز تشکیل دی ہیں، وہ انھیں اسرائیل پر چڑھائی کے لیے استعمال کرسکتے ہیں
مقبوضہ بیت المقدس(نیوزڈیسک)اسرائیل کے آرمی چیف لیفٹیننٹ جنرل عفیف کوشاوی نے اعتراف کیا ہے کہ ہمارے دیرینہ دشمنوں ایران اور اس کی اتحادی حزب اللہ اور حماس نے اپنی فوجی صلاحیتوں میں اضافہ کر لیا ہے، ان تنظیموں کے پاس بہت جدید ہتھیار موجود ہیں، گذشتہ ایک عشرے کے دوران حماس اور حزب اللہ نے فورسز تشکیل دی ہیں، وہ انھیں اسرائیل پر چڑھائی کے لیے استعمال کرسکتے ہیں۔ہم ایسے کسی منظرکو رونما ہونے سے روکنے کے لیے ہر ممکن اقدام کررہے ہیں، تھنک ٹینک کی سالانہ کانفرنس میں تقریر کرتے ہوئے انہوں نے ایران، حزب اللہ اور حماس کے خلاف آئندہ کسی جنگ میں سخت ردعمل کی دھمکی دی اور کہا کہ آئندہ جنگ میں ہم لبنان اور غزہ میں آبادی کو خبردار کردیں گے کہ جس لمحے کشیدگی کا آغاز ہوتو وہ ان علاقوں کو خالی کردیں جہاں راکٹ یا میزائل ذخیرہ کیے جارہے ہیں، دھمکیوں کے ردعمل میں ہم سخت جوابی حملے کریں گے،ان حملوں میں راکٹوں ، میزائلوں اور ہتھیاروں کو نشانہ بنایا جائے گا ، خواہ وہ خالی جگہوں پر ہوں یا عمارت کے اندر ہوں یا ان سے متصل۔