ٹرمپ کا روس کو 50 دن میں جنگ ختم کرنے کا الٹی میٹم

واشنگٹن : امریکی صدر ڈونلڈ ٹرمپ کو ٹیرف فوبیا ہوگیا انہوں نے 50 دن میں جنگ ختم نہ کرنے پر سو فیصد ٹیرف لگانے کی دھمکی دیدی۔ امریکی صدر ڈونلڈ ٹرمپ نے سخت برہمی کا اظہار کرتے ہوئے کہا ہے کہ وہ روس کے رویے سے بہت زیادہ ناخوش ہیں اور صورتحال میں بہتری نہ آنے کی صورت میں سخت معاشی اقدامات اٹھانے کے لیے تیار ہیں۔
امریکی صدر ڈونلڈ ٹرمپ نے روس کے یوکرین کے ساتھ جنگ بندی نہ کرنے پر شدید ناراضی کا اظہار کرتے ہوئے یوکرین کو نیٹو کے ذریعے اعلیٰ معیار کے جدید ہتھیار فراہم کرنے کا اعلان کیا ہے۔ صدر ٹرمپ نے دھمکی دی کہ اگر روس نے 50 روز میں جنگ بندی نہ کی تو اُس کی درآمدی اشیا پر 100 فیصد تک ٹیرف عائد کریں گے۔