لاہورمیں دھماکے سے 3 افرد جاں بحق، 24 زخمی

لاہور: جوہر ٹاؤن میں ہونے والے دھماکے میں تین افرد جاں بحق اور 24 افراد زخمی ہوگئے، زخمیوں میں 5 افراد کی حالت تشویشناک ہے، دھماکا اس قدر شدید تھا کہ اس کی آواز میلوں دور تک سنائی دی گئی جب کہ قریبی عمارتوں کے شیشے ٹوٹ گئے اور آس پاس کھڑی گاڑیوں کو شدید نقصان پہنچا، اور دھماکے کی جگہ پر آگ لگ گئی ،دھماکے سے 3 گاڑیاں اور 3 موٹر سائیکلیں مکمل طور پر اور ایک رکشہ جزوی تباہ ہوگیا،عینی شاہد خاتون نے بتایا کہ صبح ایک آدمی موٹر سائیکل کھڑی کر کے گیا، جس کے کچھ دیر بعد وہ دھماکے سے پھٹ گئی ، دھماکے کے بعد موٹرسائیکل کے پرخچے اڑ گئے،جوہر ٹاؤن رہائشی اورتجارتی علاقہ ہےجہاں زیادہ تر کاروں کے شوروم ہیں، دھماکے سے دو تین عمارتوں کو بھی نقصان پہنچا ہے۔