شام: انتخابات میں حکمران بعث پارٹی نے میدان مارلیا

177نشستوں پر کامیابی، ووٹنگ کی شرح 33فیصد تک رہی
دمشق(نیوز ڈیسک) شام کے پارلیمانی انتخابات میں حکمراں بعث پارٹی اور اس کے اتحادیوں نے میدان مارلیا،250رکنی پارلیمنٹ میں قومی اتحاد الائنس نے 177نشستیں جیت لیں، بدامنی کے باوجود پارلیمانی انتخابات میں 33فیصد افراد نے حق رائے دہی استعمال کیا،2016میں 57فیصد افراد نے ووٹ ڈالے تھے،انتخابات میں 1658امیدواروں نے حصہ لیا، حکام کے مطابق دیرالزور، حلب اور حلب کے مضافاتی علاقوں کے پانچ انتخابی حلقوں میں فرضی ووٹنگ کی بنا پر الیکشن کمیشن دوبارہ انتخابات کرائے گا