جنگ ختم کرو میزائل حملے نہیں کریں گے، انصاراللہ کا اعلان

 آرامکو پر میزائل حملہ سعودی اتحاد کے حملوں اور جارحیت کا جواب ہے
صنعا (نیوز ڈیسک)یمن کی عوامی تحریک انصار اللہ کے ترجمان محمد عبدالسلام نے آرامکو آئل تنصیبات پر میزائل حملے کی حمایت کرتے ہوئے کہا کہ اگر سعودی عرب چاہتا ہے کہ میزائلی حملے بند ہو جائیں تو اسے یمن کی جنگ کو ختم کرنا ہو گا ، سعودی عرب کی حکومت اپنے آپ کو مظلوم دکھانے کی کوشش کر رہی ہے تاہم عالمی رائے عامہ کو معلوم ہے کہ اس نے یمن پر جارحیت کی اور یمنی عوام کا محاصرہ کیا ، میزائل حملہ سعودی اتحاد کے حملوں اور جارحیت کا جواب ہے،ادھر نیشنل سالویشن حکومت کے نائب وزیر اطلاعات و نشریات نصرالدین عامر نے اعلان کیا ہے کہ یمن کی فوج اور عوامی رضاکار فورس اپنی سرزمین کے دفاع کا حق رکھتی ہے ، جارحیت کے جواب میں کئے گئے حملے اور فوجی کارروائیاں ، ایک حکمت عملی اور ٹیکٹیک ہے۔