اسرائیلی دہشت گردی کیخلاف دنیا بھر میں احتجاج، یمن میں لاکھوں افراد کی ریلی

واشنگٹن : دنیا بھر میں اسرائیلی دہشت گردی کے خلاف احتجاج جاری ہے۔ جنگ بندی کے مطالبے میں مزید شدت آگئی۔ یمنی دارالحکومت صنعا میں لاکھوں افراد نے احتجاجی ریلی نکالی۔ امریکا میں ہزاروں افراد سڑکوں پرآگئے۔ واشنگٹن میں کیپٹل ہل اللہ اکبر کے نعروں سےگونج اٹھا۔ مظاہرین نے فلسطینیوں کا قتل عام بند کرنے اور اسرائیلی جارحیت رکوانےکا مطالبہ کیا۔ آسٹریلیا میں مظلوموں کی حمایت میں عوام کا سمندر امڈآیا۔ مظاہرین نے اسرائیلی درندگی کیخلاف نعرے لگائے اور ظلم بند کرنے کا مطالبہ کیا۔
نیوزی لینڈ میں عوام کا جم غفیر سڑکوں پر نکل آیا اور اسرائیلی بربریت کے خلاف اور فلسطین کےحق میں نعرےلگائے۔ یونان میں عوام نے اسرائیلی سفارتخانے کا گھیراؤبکرلیا۔ مظاہرین نے اسرائیلی وزیراعظم نیتن یاہو کی تصاویر جلائیں۔ مظاہرین اور پولیس کے درمیان جھڑپیں بھی ہوئیں۔ ہجوم کو منشتر کرنے کیلئے واٹرکینن کا استعمال کیاگیا۔ کینیڈامیں بھی ریلی نکالی گئی۔ جبکہ پاکستان، قطر، ترکیہ اور دیگر ممالک میں مظاہرے کیے گئے۔ مظاہرین نے اسرائیل دہشتگرد کے نعرے لگائے۔