Raza Musani 
تہران : ایرانی پاسدران انقلاب کی بحریہ کے کمانڈر بریگیڈیئر جنرل علی رضا تنگسیری نے دشمن کو خبردار کرتے ہوئے کہا ہے کہ جب ملک کی سلامتی کی حفاظت کی بات آتی ہے تو ایرانی افواج کوئی حد نہیں جانتی ہیں۔ بحریہ کے اعلیٰ افسران کے ایک اجتماع سے خطاب میں بریگیڈیئر جنرل علی رضا تنگسیری نے کہاکہ ہم کسی بھی فریق کی سلامتی کو تباہ کر دیں گے جو ہماری سلامتی کو نقصان پہنچانے کی کوشش کرے گا۔ ہم کسی بھی خطرے کو اس کی اصلیت کے ساتھ ختم کر دیں گے۔ انہوں نے جنوبی شہر شیراز میں دہشت گردانہ حملے کا ذکر کرتے ہوئے کہا کہ جب دشمن کو معلوم ہوا کہ اس کی زیادہ سے زیادہ دباؤ کی پالیسی ناکام ہو چکی ہے تو اس نے مایوسی کے عالم میں ہمارے بے گناہ شہریوں کو قتل کرنا شروع کر دیا۔
