Raza Musani 
غزہ : حماس نے کہا ہےکہ جنگ بندی معاہدے کا جائزہ لیکر جلد جواب دیا جائے گا۔ حماس کے مذاکرات کاروں نے کہا ہے کہ وہ امریکی تجویز کردہ جنگ بندی منصوبے کا اچھی نیت کے ساتھ جائزہ لیں گے اور جلد رسمی جواب دیں گے۔
رپورٹ کے مطابق مصر اور قطر نے حماس کو امریکی صدر ڈونلڈ ٹرمپ کے جنگ بندی منصوبے سے آگاہ کیا۔
مزاحمتی تنظیم فلسطینی اسلامی جہاد نے امریکی-اسرائیلی تجویز کی سخت مذمت کی اور اسے صرف ایک مکمل امریکی اسرائیلی معاہدہ قرار دیا ہے۔
اسلامی جہاد کے سیکریٹری جنرل زیاد النخالہ نے معاہدے کو اسرائیل کے موقف کا عکاس قرار دیتے ہوئے کہا کہ یہ معاہدہ پورے خطے میں کشیدگی اور نئے تنازعات بھڑکانے کا تیار شدہ نسخہ ہے، جس سے امن کی کوششوں کو شدید خطرہ لاحق ہے۔
ادھر فلسطینی انتظامیہ نے معاہدے کا خیرمقدم کرتے ہوئے کہا ہےکہ معاہدے سے قبضے کا خاتمہ اور دو ریاستی حل کے تحت اسرائیل کے ساتھ فلسطین کی خودمختار ریاست کے قیام کی راہ ہموار ہوگی۔
