Raza Musani 
اسلام آباد: نائب وزیراعظم اسحاق ڈار نے کہا کہ جو بھارت کرے گا ویسا ہی جواب دیں گے۔ نائب وزیراعظم اسحاق ڈار نے کہا کہ پاکستان بھارت کو بھرپور ردعمل دے گا، انڈیا نے غیرذمہ دارانہ رویہ اپنایا، بھارت کو ترکی بہ ترکی جواب دیں گے۔
اسحاق ڈار کا کہنا تھا کہ بھارت کے پاس اگر شواہد ہیں تو پیش کرے، قومی سلامتی کمیٹی میں فیصلے ہوں گے، کسی کو پاکستان کی طرف میلی آنکھ سے دیکھنے کی جرات نہیں ہونی چاہئے، پاکستان دنیا میں امن چاہتا ہے، بھارت اپنے مسائل کا ملبہ پاکستان پر ڈال دیتا ہے۔ نائب وزیراعظم کا مزید کہنا تھا کہ دہشت گردی واقعہ کا غصہ اس طرح نکالنا مناسب نہیں، بھارت نے ایکشن لیا تو ہماری تیاری ہے، بھارت کے اعلانات میں غیر سنجیدگی نظر آتی ہے۔
