Raza Musani 
واشنگٹن: امریکا میں محکمہ انصاف نے ایرانی نژاد صحافی کے قتل کی سازش کے الزام میں تین افراد پر فرد جرم عائد کردی۔ امریکی اٹارنی جنرل میرک گارلینڈ نے بتایا کہ تین افراد کو ایرانی اپوزیشن کی حامی خاتون صحافی مسیح علی نجاد کی قتل کی سازش کے شبہ میں گرفتار کیا گیا ہے۔ دو افراد ایک منظم جرائم پیشہ گروہ کے رکن ہیں جو مشرقی یورپ میں کام کر رہے ہیں ۔ ان کا تعلق ایران سے ہے۔ ان میں سے ایک شخص خالد کی نیویارک میں مسیح علی نجاد کے گھر کے سامنے رائفل کے ساتھ گرفتاری کے چھ ماہ بعد یہ سامنے آیا۔ گارلینڈ نے کہا کہ خالد کو جرائم پیشہ گروہ کے دو سرغنہ رفعت امیروف اور پولاد عمروف نے یہ آپریشن سونپا تھا۔
