Raza Musani 
جدہ : اسلامی تعاون تنظیم (او آئی سی) نے پاکستان میں سیلاب زدگان کی امداد کیلئے رکن ممالک، انسانی ہمدردی کی بنیادپر کام کرنے والی اسلامی تنظیموں اور بین الاقوامی برادری سے پاکستان کی فوری امداد کی اپیل کی ہے۔او آئی سی کے سیکریٹری جنرل حسین براہیم طہٰ نے پاکستان میں مون سون کی بارشوں اور سیلاب سے قیمتی انسانی جانوں اور اموال کی تباہی پرگہرے رنج وغم کااظہارکیا۔ انہوں نے قیمتی انسانی جانوں کے نقصان پر پاکستان کی حکومت اور عوام کے ساتھ تعزیت، افسوس اور ہمدردی کا اظہار کیا۔ حسین براہیم طہٰ نے پاکستان میں سیلاب سے متاثرہ افراد کی امداد کیلئے تنظیم کے رکن ممالک ، انسانی ہمدردی کی بنیادپر کام کرنے والی اسلامی تنظیموں اور بین الاقوامی برادری سے پاکستان کی فوری امداد کی اپیل کی ہے تاکہ سیلاب سے متاثرہ افراد کی مشکلات کو کم کیا جاسکے۔
