Raza Musani 
ابوظہبی : متحدہ عرب امارات، ایران کے ساتھ تعلقات میں 6 سال سے جاری سرد مہری کے بعد اب سفیر تہران بھیجنے پر غور کر رہا ہے۔ متحدہ عرب امارات کے صدر کے سفارتی مشیر انور گرگاش نے بھی سیاسی تناؤ کو کم کرنے کے لیے علاقائی اقتصادی تعاون پر زور دیا۔ انہوں نے کہا کہ ہم واقعی ایران میں سفیر بھیجنے پر غور کر رہے ہیں۔ اس دہائی میں تناؤ میں کمی کی کوششوں کو کلیدی حیثیت حاصل ہونی چاہیے۔ مشرق وسطیٰ کی سیاسی صف بندیوں میں تبدیلی کے پیش نظر متحدہ عرب امارات کی ایران کے ساتھ تعلقات میں بہتری کا اشارہ ایسے وقت میں سامنے آیا ہے جب عراق، سعودی عرب اور ایران کے درمیان ثالثی کی کوششیں کررہا ہے۔
