Raza Musani 
ماسکو: روسی صدر پیوٹن کا کہنا ہے کہ امریکا نے چین کی خود مختاری پر حملہ کیا ہے۔ بین القوامی عالمی سلامتی سے متعلق کانفرنس سے خطاب میں پیوٹن نے کہا کہ امریکا دنیا بھر میں اپنی بالا دستی برقرار رکھنے کی کوشش کر رہا ہے۔ امریکا یوکرین تنازعے کو بھی طول دے رہا ہے، ہمیں اپنے شہریوں کے دفاع کے لیے یوکرین میں آپریشن کرنا پڑا۔ دنیا کو غیر مستحکم اور افراتفرای کا شکار کرنا امریکا کی پالیسی کا حصہ ہے۔ روسی صدر نے امریکا کو ایشیا میں کشیدگی کو ہوا دینے کا ذمہ دار قرار دیا اور کہا کہ امریکی ایوان نمائندگان کی اسپیکر نینسی پیلوسی کے تائیوان کا دورہ مکمل طور پر منصوبہ بند اشتعال انگیزی ہے۔
