Raza Musani 
جدہ : عرب لیگ کی وزرائے خارجہ کونسل نے دو ٹوک الفاظ میں کہا ہے کہ عرب ممالک کی خودمختاری اور سالمیت کو لاحق کسی بھی خطرے کو برداشت نہیں کیا جائے گا۔
قاہرہ میں اجلاس کے بعد جاری اعلامیہ میں کونسل نے واضح کیا کہ اسرائیلی قبضے کے خاتمے کے بغیر خطے میں پائیدار امن و استحکام ممکن نہیں۔ عرب لیگ مسئلہ فلسطین کے منصفانہ اور جامع حل کی بھرپور حمایت کرتی ہے۔ اعلامیہ میں دو ریاستی حل۔ دو ہزار دو کے عرب امن منصوبے اور اقوام متحدہ کی قرار دادوں پر عمل درآمد کو خطے کے لیے انتہائی ضروری قرار دیا گیا۔ کونسل نے غیرقانونی بستیوں کی تعمیر ، فلسطینیوں کی جبری بے دخلی ، آبادیاتی ڈھانچے میں تبدیلی کو عالمی قوانین اور انسانی ضوابط کی صریح خلاف ورزی قرار دیا۔ کونسل نے عالمی برادری سے مطالبہ کیا کہ وہ اپنی ذمہ داریاں پوری کرے۔ فلسطینی عوام کے حق میں عملی اقدامات اور اسرائیل کو جارحانہ پالیسیوں سے باز رکھنے میں اپنا بھرپور کردار ادا کرے۔
