غزہ میں قحط جیسی صورتحال ہے، ٹرمپ نے بھی تسلیم کرلیا

لندن: امریکی صدر ڈونلڈ ٹرمپ نے پہلی بار غزہ میں جاری انسانی المیے کو تسلیم کرتے ہوئے کہا ہے کہ ہر طرف بھوک ہے۔ قحط کی صورتحال جھٹلائی نہیں جاسکتی۔ برطانوی وزیراعظم سر کیئر اسٹارمر کے ساتھ نیوز کانفرنس میں ٹرمپ نے کہا کہ انھیں یقین ہے کہ غزہ میں قحط ہے اور انھوں نے اسرائیل سے کہا ہے کہ شاید اسے کسی اور طریقے سے غزائی قلت سے نمٹنے کیلئے کام کرنا پڑے۔
ٹرمپ نے نیتن یاہو کے غزہ میں قحط نہ ہونے سے متعلق سوال پر کہا کہ غزہ میں بچے بہت بھوکے نظر آتے ہیں۔ ہم بہت پیسہ اور بہت ساری خوراک دے رہے ہیں اور دوسری قومیں اب آگے بڑھ رہی ہیں۔ ٹرمپ نے کہاکہ غزہ میں لوگوں کو ابھی خوراک اور حفاظت کی ضرورت ہے اور وہ جنگ بندی مذاکرات دوبارہ شروع کرنا چاہتے ہیں۔ ٹرمپ نے کہا کہ غزہ میں امدادی سامان کی ترسیل، تقسیم کی ذمہ داری اسرائیل پر عائد ہوتی ہے، امید کرتے میں غزہ میں ضرورت مندوں تک کھانا پہنچ جائے۔
کیئر اسٹارمر نے کہا کہ غزہ میں ہونے والے واقعات ایک حقیقی انسانی بحران ہیں۔ برطانیہ میں لوگ اپنی اسکرینوں پر جو کچھ دیکھ رہے ہیں اس سے وہ باغی ہورہے ہیں۔