Raza Musani 
تہران : ایرانی عبوری وزیرخارجہ علی باقری نے کہا ہے کہ صیہونی حکومت ایران کے ساتھ جنگ کرنے کی صلاحیت نہیں رکھتی ہے، ایران ہر حال میں جواب دے گا۔ ایران صیہونی حکومت کی جانب سے تہران میں شہید اسماعیل ہنیہ پر حملے کا ہر حال میں جواب دے گا۔ انہوں نے کہا کہ ایران کا جوابی حملہ صیہونی حکومت پر گراں گزرے گی۔ انہوں نے تاکید کی کہ صیہونی حکومت خطے میں جنگ کی آگ کو ہوا دینا چاہتی ہے۔ او آئی سی وزرائے خارجہ کے اجلاس کے دوران جدہ میں سعودی نائب وزیرخارجہ سے ملاقات میں علی باقری نے کہا کہ صیہونی حکومت نے تہران میں ایران کے سرکاری مہمان پر حملہ کرکے دنیا میں اپنی رسوائی کا سامان فراہم کیا ہے۔ خطے کے ممالک کے ساتھ تعلقات قائم کرنے کی خواہمشند صیہونی حکومت شہید اسماعیل ہنیہ پر حملے کے بعد عالمی سطح پر مزید بدنام ہوگئی ہے۔
