صیہونی حکومت غزہ میں انسان دوستانہ امداد نہیں پہنچنے دے رہی، اقوام متحدہ

جنیوا : اقوام متحدہ کے خصوصی رپورٹر برائے خوراک مائیکل فخری نے ایک بیان میں صیہونی حکومت کے بائیکاٹ کا مطالبہ کردیا۔ مائیکل فخری نے کہا ہے کہ صیہونی حکومت نہ صرف یہ کہ غزہ میں انسان دوستانہ امداد نہیں پہنچنے دے رہی ہے بلکہ وہاں کی زمین اور خوراک کے ذرائع کو بھی نابود کررہی ہے۔ انھوں نے کہا کہ جنگوں کی تاریخ میں ایسی کوئی مثال نہيں ملتی کہ کوئی قوم اتنی تیزی کے ساتھ قحط اور بھوک مری سے دوچار ہوئی ہو۔ انھوں نے کہا کہ صیہونی حکومت کو غزہ پر قابض کی حیثیت سے اس بات کی ضمانت دینی چاہئے کہ انسان دوستانہ امداد رسانی میں کوئی رکاوٹ نہیں پیدا ہوگی۔ اقوام متحدہ کے ترجمان اسٹیفن دوجاریک نے کہا کہ ہم غزہ میں امداد رسانی کے حوالے سے اسرائیلی حکام سے مستقل طور پر رابطے میں ہیں۔