Raza Musani 
کابل : طالبان کے سربراہ مولوی ہیبت اللّٰہ اخوندزادہ نے ایک بار پھر خبردار کیا ہے کہ دنیا افغانستان کے اندرونی معاملات میں مداخلت نہ کرے۔ امریکا سمیت تمام دنیا سے اچھے مضبوط سفارتی، سیاسی اور معاشی تعلقات کے خواہاں ہیں۔عیدالاضحیٰ کے پیغام میں مولوی ہیبت اللّٰہ نے کہا کہ پڑوسی ممالک اور دنیا کو یقین دلاتے ہیں کہ افغانستان دوسرے ممالک کے خلاف اپنی سرزمین کسی کو بھی استعمال کرنے کی اجازت نہیں دے گا۔ انہوں نے کہا کہ امارت اسلامیہ اپنے لوگوں کے تمام مسائل سے آگاہ ہے، معیشت کو مضبوط کرنا اور تمام مسائل حل کرنا ہماری اور قوم کی مشترکہ ذمہ داری ہے۔
