امریکا دوسرے ملکوں میں بغاوتیں کرانے میں مدد کرتا رہا ہے، جان بولٹن کا اعتراف

واشنگٹن : سابق قومی سلامتی مشیر وائٹ ہاؤس جان بولٹن نے اعتراف کیا ہے کہ انھوں نے کئی ملکوں میں بغاوتیں کامیاب کرانے میں مدد کی تھی۔ جان بولٹن نے یہ بات کیپٹل ہل پر حملہ سے متعلق سماعت کے بعد کہی۔ قانون سازوں کے پینل نے سابق صدر ڈونلڈ ٹرمپ کو الزام دیا تھا کہ انھوں نے تشدد کے لیے اشتعال انگیزی کی تھی اور 2020 کا صدراتی الیکشن ہارنے کے بعد آخری وقت تک اقتدار سے چمٹے رہنے کی کوشش کی تھی۔ تاہم جان بولٹن نے کہا ڈونلڈ ٹرمپ بغاوت کروانے میں اتنے ماہر نہ تھے کہ وہ بغاوت کا منصوبہ احتیاط کے ساتھ بنا لیتے۔ یہاں نہیں لیکن دوسری جگہوں پر بہت کام کیا گیا ہے بغاوتیں کرانے کے لیے اور یہ وہ کچھ نہیں تھا جو ٹرمپ نے کوشش کی۔ ان سے پوچھا گیاکہ آپ بغاوتیں کرانے کی کن کوششوں کا ذکر کر رہے ہیں؟ جان بولٹن نے کہا میں خاص واقعات کا اس حوالے سے ذکر نہیں کر رہا۔ یہ بات انھوں نے وینز ویلا کا ذکر کرنے سے پہلے کہی۔ جبکہ ان کا وینزویلا کے بارے میں کہنا تھا کہ یہ کامیاب نہ ہوئی جتنی کہ ہم نے اس کے لیے کوشش کی تھی۔ لیکن ہم نے دیکھا کہ ایک اپوزیشن کو غیر قانونی طور پر منتخب کیے گئے صدر کا تختہ الٹنے کے لیے کیا کرنا پڑتا ہے۔