افغانستان میں نظام حکومت جمہوری نہیں،‬ اسلامی ہوگا، طالبان

کابل : افغانستان میں نظام حکومت جمہوری نہیں اسلامی اور‬شرعی قوانین پرمبنی ہوگا، طالبان نے واضح کردیا، سینئرطالبان رہنما وحید اللہ ہاشمی نےکہا ہےکہ افغانستان میں جمہوری نظام حکومت نہیں ہوگا، حکومت سازی کے لیےطالبان قیادت افغانستان اور قطر میں کام کررہی ہے، پچھلی فوج ختم ہوچکی لیکن سابق فوجیوں کو واپس پرانے عہدوں پر رکھا جاسکتا ہے کیونکہ زیادہ ترسابق فوجیوں نےترکی، جرمنی اور انگلینڈ میں اعلیٰ تربیت حاصل کررکھی ہے، قندھار کے سیکیورٹی انچارج ملا جمعہ نے کہا ہےکہ شہریوں پر داڑھی کی پابندی سے متعلق قیادت سے کوئی حکم نہیں ملا، سیرگاہوں میں لوگوں کو معمول کے مطابق آنے جانے کی اجازت ہے، امن وامان میں خلل ڈالنے اور جرائم پیشہ افرادکے خلاف سخت کارروائی ہوگی۔