Raza Musani 
دمشق : شامی فوج نے ایک بار پھر دمشق کے مضافات پرصیہونی فوج کے ہوائی حملے کو ناکام بنا دیا۔حملے کے بعد کئی دھماکوں کی آواز سنائی دی۔ رپورٹ کے مطابق، شامی فوج کے ایئر ڈیفنس سسٹم نے دمشق کے جنوبی مضافات پر فائر ہوئے میزائیلوں کو تباہ کر دیا۔ صیہونی فوج کے لڑاکا طیارے لبنان کی ہوائی حدود یا مقبوضہ جولان کی طرف سے آتے ہیں اور شام پر میزائیل حملے کرتے رہتے ہیں۔ لبنان میں تعینات اقوام متحدہ کی امن فورسز نے بارہا رپورٹ دی ہے کہ صیہونی فوج اقوام متحدہ کی قراردادوں کی ہر روز خلاف ورزی کرتے ہوئے لبنان کی ہوائی حدود میں دراندازی کرتی ہے۔
