Raza Musani 
لاہور : وفاق المدارس الشیعہ پاکستان کے نائب صدر علامہ سید مرید حسین نقوی نے مختلف علاقوں میں ٹولیوں کی شکل میں چہلم کے مرکزی جلوسوں میں آنے والے محبان اہل بیت پر ایف آئی آرز کی مذمت کرتے ہوئے واضح کیا ہے کہ چہلم کے مرکزی جلوسوں میں شرکت کے لیے ٹولیوں کی شکل میں جانا خلاف قانون نہیں اور نہ ہی ہماری سماجی زندگی کے چلن کے منافی ہے ۔عید میلادالنبی(ص) ، درباروں کے عرس، جشن بہاراں، اور دیگرسماجی تقریبات میں بھی لوگ ٹولیوں کی شکل میں شریک ہوتے ہیں، چہلم کے جلوس میں شرکت کے لیے عورتوں، بچوں، بزرگوں کا اجتماعی طور پر جانا خاندان رسالت سے عشق کا ثبوت ہے، انہوں نے کہا کہ بعض انتظامی اہلکاروں کے غیر منصفانہ رویے حکومت کی بدنامی اور عوام کو ان سے دور کرنے کا موجب بن رہے ہیں، حکومت اور ریاستی ادارے عوام کو ہراساں کرنے والے طرز عمل پر نظر ثانی کریں۔
