الزامات کا مقصد افغانستان کو خطرناک ملک ظاہر کرنا ہے، وزیر دفاع

کابل: افغانستان کے قائم مقام وزیر دفاع مولوی محمد یعقوب مجاہد نےکہا ہے کہ افغانستان پر الزامات کا مقصد اُسے دنیا کے سامنے خطرناک ملک کے طور پر ظاہر کرنا ہے۔ طالبان کے اقتدار کی دوسری سالگرہ پر مولوی یعقوب نے کہا کہ کچھ ممالک اپنی سیکیورٹی کی ناکامی کا الزام افغانستان پرالزام لگاتے ہیں۔ ایسے ریمارکس کامقصد افغانستان کو دنیا کےسامنے خطرناک ملک ظاہر کرنا ہے۔ انہوں نے کہا کہ ان پیغامات کا مقصد دنیا کویہ بتانا ہو سکتا ہے کہ افغانستان آپ کے لیے خطرناک ہے لہذا اسے ایسے ہی چلنے نہ دیں جیسا کہ ابھی ہے۔ مولوی یعقوب نےکہا کہ اس بار افغانستان کے دشمن اس امید کو قبر تک لے جائیں گے۔ اگر دنیا عبوری افغان حکومت کو تسلیم نہیں کرتی تو اسے بھی اس کی ضرورت نہیں ہے۔ جو لوگ ہمیں نہیں پہچانتے، ہمیں ان کی پہچان کی ضرورت بھی نہیں ہے۔ انہوں نے عوام سے عبوری افغان حکومت کی حمایت کرنے کا بھی مطالبہ کیا۔