Raza Musani 
جدہ : ایرانی وزیر خارجہ حسین امیر عبداللہیان نے کہا ہے کہ سعودی ولی عہد شہزادہ محمد بن سلمان کے ساتھ ملاقات واضح اور نتیجہ خیز رہی۔ جدہ میں ایرانی وزیر خارجہ حسین امیر عبداللہیان اور سعودی ولی عہد شہزادہ محمد بن سلمان کے درمیان ملاقات ڈیڑھ گھنٹے تک جارہی رہی جس میں علاقائی سلامتی، ترقی اور دوطرفہ امور پر تبادلہ خیال کیا گیا۔ دونوں فریقوں نے مستقبل میں شراکت داری کے مواقع تلاش کرنے کا جائزہ لیا اور تمام شعبوں میں پائیدار تعلقات کو بڑھانے کی ضرورت پر زور دیا۔ ایرانی وزیر خارجہ نے کہا کہ ہم خطے میں سب کے لیے سلامتی اور ترقی پر اتفاق رائے رکھتے ہیں۔ ایرانی وزیر خارجہ نے صدر ابراہیم رئیسی کی جانب سے سعودی فرماں روا شاہ سلمان اور ولی عہد کے لیے تہنیتی پیغام پہنچایا۔ ایرانی وزیر خارجہ نے سعودی ہم منصب فیصل بن فرحان سے ملاقات کی تھی جس میں سیاسی اور اقتصادی تعلقات مضبوط بنانے پر اتفاق کیا گیا تھا۔
