Raza Musani 
بغداد : عراق کی عصائب اہل حق موؤمنٹ کے سیکریٹری جنرل قیس الخز علی نے کہاہےکہ عراق میں امریکی فوجی موجودگی کا بنیادی مقصد صیہونی حکومت کوتحفظ دینا ہے۔ انہوں نے مزید کہا کہ بعض لوگ اس وہم میں مبتلاء ہیں کہ وہ عراق کے استحکام کو نقصان پہنچا سکتے ہیں۔ ہمیں امریکی فوجیوں کی منتقلی اور جنگی افواج کی تبدیلی کی مکمل تفصیلات معلوم ہیں۔
یہ نقل و حرکت عراقی حکومت کی اطلاع کے ساتھ 1500 فوجیوں کو الحریر بیس سے شام منتقل کرنے کے ہدف کے تحت کی گئی ہے۔ الخز علی نے واضح کیا کہ عراق میں امریکی حالیہ سرگرمیوں کے حوالے سے ان دنوں جو باتیں ہو رہی ہے وہ میڈیا کی امریکہ کے لئے ماحول سازی کی کوشش ہے۔ اس ماحول سازی کا مقصد عراق میں امریکہ کے خراب امیج کو بحال کرنا اور اس ملک کی ڈیٹرنس پاور کو ظاہر کرنا ہے۔انہوں نے کہاکہ عراق میں امریکی فوجیوں کی تعداد 2500 ہے اور اس تعداد میں ایک فوجی کا اضافہ نہیں کیا جائے گا۔ عراق اپنا دفاع کر سکتا ہے۔ امریکی فوجی جو ابھی عراق پہنچے ہیں وہ جنگی دستے ہیں اور ان میں سے زیادہ تر شام جائیں گے۔ انہوں نے مزید کہا کہ عراق میں امریکی فوجیوں کی موجودگی کا ایک پوشیدہ ہدف شام کے ساتھ مشترکہ سرحد پر ایک علاقہ بنانا ہے۔
