Raza Musani 
رام اللہ : فلسطینی وزیراعظم محمد شتیایا نےکہا ہے کہ اسرائیل سمجھتا ہے کہ وہ حماس کا خاتمہ کر دے گا تو اس نے غلط اندازہ لگایا ہے۔ فلسطینی وزیراعظم نے کہا کہ حماس کے خاتمے کا اسرائیلی خواب پورا نہیں ہوگا، حماس فلسطینی سیاست کا اہم حصہ ہے، فلسطینی حکومت کے حماس کے ساتھ ڈائیلاگ جاری ہیں۔ انہوں نے کہا کہ کوئی بھی تنہا امن نہیں لاسکتا، کوئی تنہا جنگ نہیں لڑسکتا، ہمیں متحد ہونا پڑے گا۔ انہوں نے کہا ہم غزہ میں فوری جنگ بندی کا مطالبہ کر رہے ہیں، ابھی ضرورت ہے کہ عالمی رہنما اسرائیل پر زور دیں کہ وہ حملے روکے، ہمیں فلسطین کے مسئلے کا جزوی نہیں مکمل حل چاہیے۔ محمد شتیایا نے مغربی کنارے میں اسرائیل کے چھاپوں کی کارروائیاں بڑھی ہیں، نتین یاہو کی اسٹریٹیجی ہے کہ غزہ کو مکمل آئسولیٹ کیا جائے اور مغربی کنارے کے ٹکڑے کیے جائیں۔
