Raza Musani 
نابلس : صیہونی فوجیوں نے ایک بار پھر غرب اردن پر حملہ کرکے 12 فلسطینیوں کو زخمی کردیا۔ غرب اردن کے جنوب میں واقع دورا شہر میں میں صیہونی فوجیوں نے گولیاں چلائیں اور آنسو گیس کے گولے داغے جس سے 5 افراد زخمی ہوئے جبکہ 2 افراد کو پلاسٹک کی گولیوں کے ذریعے نشانہ بنایا گیا۔ صیہونی فوجیوں نے برک سلیمان پر بھی دھاوا بولا اور ایک فلسطینی کے گھر کو اس بہانے مسمار کردیا کہ اس کے پاس تعمیرات کے قانونی دستاویزات نہیں تھے۔ ادھر مقبوضہ مغربی کنارے کے وسطی علاقے میں ایک 7 سالہ بچہ اس وقت شہید ہوگیا جب اپنا پیچھا کرنے والی اسرائیلی پولیس فورسز سے بچنے کے دوران اونچی جگہ سے گرگیا۔ سات سالہ بچے کی شناخت ریان ناصر کے نام سے ہوئی ہے۔
