Raza Musani 
مکہ : حج کا رکنِ اعظم وقوفِ عرفہ ادا کردیا گیا۔ عازمین حج نے میدان عرفات میں مسجدِ نمرہ سے دیا گیا خطبہ حج سنا اور نمازِ ظہر اور نمازِ عصر ایک ساتھ ادا کی۔ حجاج کرام نے غروبِ آفتاب تک میدانِ عرفات میں قیام اور اذانِ مغرب سے قبل میدانِ عرفات سے مزدلفہ کے لیے روانہ ہوئے جہاں نمازِ مغرب اور عشاء کی نماز ادا کی۔ حجاج مزدلفہ میں رات قیام اور رَمی کے لیے کنکریاں جمع کریں گے اور فجر کی نماز ادا کرکے رَمی (بڑے شیطان کو کنکریاں مارنے) کے لیے جمرات روانہ ہو جائیں گے۔اس کے بعد حجاجِ کرام قربانی کی سنت ادا کریں گے اور پھر حلق کروا کے احرام اتار کر اس کی پابندیوں سے آزاد ہو جائیں گے۔
