حج منسوخ کرنے کا فیصلہ،سعودیہ کو اربوں ڈالر کا جھٹکا

دنیا کے سب سے بڑا اسلامی ملک انڈونیشیا ، ملائشیا ، برونائی ،بھارت،سنگاپور،کمبوڈیا اور تھائی لینڈ پہلے ہی اپنے عازمین کو حج کیلئے نہ بھیجنے کا فیصلہ کرچکے ہیں
سعودی حکومت حج منسوخی کا اعلان ایک ہفتے میں کردے گی، سعودیہ کا 8ارب ڈالر کا جھٹکا لگے گا ، عمرہ سیزن منسوخ ہونے سے بھی بھاری مالی نقصان ہوا تھا
جدہ (نیوزڈیسک) کورونا وائرس کے پیش نظر سعودی حکومت نے رواں سال حج منسوخ کرنے کا فیصلہ کرلیا، گلف نیوز کی رپورٹ کے مطابق سعودی حکام نے 1932 میں سلطنت کے قیام کے بعد پہلی بار حج منسوخ کرنے کا فیصلہ کیا ہے ،یہ فیصلہ حکام نے معاملے کا باریک بینی سے جائزہ لینے اور مختلف پہلووں پر غور کے بعد کیا تاہم حتمی اعلان ایک ہفتے کے اندر کردیا جائے گا،کورونا وائرس سعودی عرب میں تیزی سے پھیل رہا ہے جہاں کیسز کی تعداد ایک لاکھ سے تجاوز کرگئی ہے، دنیا کے سب سے بڑے اسلامی ملک انڈونیشیا ، ملائشیا ، برونائی ،بھارت،سنگاپور،کمبوڈیا اور تھائی لینڈ پہلے ہی اپنے عازمین کو حج کیلئے نہ بھیجنے کا فیصلہ کرچکے ہیں، پاکستان ،مراکش ،ایران سمیت بیشتر ممالک سعودی عرب کی جانب سے واضح ہدایات نہ ملنے پر اب تک حج کی تیاریاں شروع نہیں کرسکے ، جبکہ حج میں اب ڈیڑھ ماہ کا عرصہ رہ گیا ہے، رواں سال حج 29یا 30جولائی کوہونے کی امکان ہے، حج نہ ہونے سے سعودی عرب کا 8ارب ڈالر کا جھٹکا لگے گا جس کی معیشت پہلے ہی تیل کی گرتی قیمتوں کے سبب شدید بحران کا شکار ہے ،جبکہ عمرہ سیزن منسوخ ہونے سے بھی سعودی عرب کو شدید مالی نقصان کا سامنا کرنا پڑا تھا۔