جارح اسرائیلی فوج کا غزہ پر وحشیانہ حملہ، فلسطینی کمانڈر سمیت 15 افراد شہید، درجنوں زخمی

غزہ : صیہونی فوج کے غزہ پر حملے میں ایک فلسطینی کمانڈر سمیت 15 افراد شہید اور درجنوں زخمی ہوگئے۔ اسرائیل نے فلسطینی کمانڈر تيسير الجعبری کی جانب سے مبینہ طور پر دی گئی دھمکیوں کے ردعمل میں یہ کارروائی کی۔ پی آئی جے نے ابتدائی ردعمل میں اسرائیل پر 100 سے زیادہ راکٹ فائر کیے تاہم زیادہ تر کو اسرائیل کی آئرن ڈوم میزائل ڈیفنس شیلڈ نے روک دیا۔ ٹیلی ویژن پر اپنے خطاب میں اسرائیلی وزیر اعظم یائیر لاپڈ نے کہا کہ `اسرائیل نے ایک فوری خطرے کے خلاف دہشت گردی کے خلاف ایک درست آپریشن کیا۔ جو بھی اسرائیل کو نقصان پہچانے کے لیے کھڑا ہو گا اسے بتایا دیں کہ ہم اس تک جا پہنچیں گے۔ ‘