Raza Musani 
غزہ: جہاد اسلامی نے جنین کیمپ میں صیہونی فوجیوں کے جرائم اور 4 فلسطینیوں کی شہادت پر ردعمل کا اظہار کیا ہے۔ جہاد اسلامی کے ترجمان طارق سلمی نے کہا ہے کہ بے گناہ شہداء کا خون کبھی رائیگاں نہیں جائے گا۔صیہونیوں کے جرائم اور جارحیت کے خلاف عوام کی مزاحمت مضبوطی کے ساتھ جاری ہے۔ صیہونی حکومت، فلسطینی قوم اور اس کی سرزمین کے خلاف جرائم اور دہشت گردی کا ارتکاب جاری رکھے ہوئے ہے اور جنین کیمپ میں ہمارے ہیروز اور نوجوانوں کو نشانہ بنا رہی ہے۔ترجمان نے اس بات پر بھی زور دیا کہ فلسطینی مزاحمت کبھی بھی ہتھیار ڈالنے کو قبول نہیں کرے گی اور غاصب حکومت کے جرائم کا مقابلہ کرتی رہے گی اور اپنی طے شدہ پالیسی اور ہتھیاروں پر کاربند رہے گی۔فلسطینیوں کی تمام قربانیوں کے باوجود مزاحمت کا راستہ جاری رہے گا۔
