Raza Musani 
کراچی : فرانس کے صدر ایمانوئیل میغوں نے خبردار کیا ہے کہ ملک میں ہر چیز کی وافر مقدار میں دستیابی ختم ہونے کے قریب پہنچ چکی ہے اور اب قربانیاں دینے کا وقت قریب آ رہا ہے۔ کابینہ کے اجلاس سے خطاب میں فرانسیسی صدر نے کہا کہ ملک کو حالیہ عرصہ کے دوران کئی چیلنجز کا سامنا کرنا پڑا ہے جن میں روس یوکرین تنازع اور تاریخی قحط اور خشک سالی شامل ہیں۔ یہ بحران بڑے پیمانے کے ثابت ہو سکتے ہیں اور ڈھانچہ جاتی تبدیلیاں نا گزیر ہو چکی ہیں۔ میری نظر میں ہم آج ایک ایسے وقت میں آ چکے ہیں جہاں ایک بڑی اتھل پتھل مچنے والی ہے۔ انہوں نے کہا کہ ملک کو اور اس کے عوام کو قربانیوں کیلئے تیار رہنا ہوگا تاکہ ان چیلنجز سے نمٹا جا سکے، ہمارا آزاد نظام جس میں رہنے کے ہم عادی ہو چکے ہیں؛ اسے بچانے کیلئے کوششیں کرنا ہوں گی جس کیلئے قربانیوں کی ضرورت ہے۔
