Raza Musani 
بنکاک: تھائی لینڈ میں ڈے کیئر سینٹر پر فائرنگ کے واقعے میں 23 بچوں سمیت 34 افراد ہلاک اور12 زخمی ہوگئے۔ ڈے کئیرسینٹر میں فائرنگ کا واقعہ نونگ بوا لامفو میں چائلڈ ڈے کیئر سینٹر میں پیش آیا. مسلح شخص ڈے کئیر سینٹر میں گھسا اور سب سے پہلے عملے پر گولیاں چلائیں۔ جس سے پانچ افراد ہلاک ہوئے۔ فائرنگ کے وقت سینٹر میں 30 سے زائد بچے موجود تھے ۔پولیس کا کہنا ہے کہ فائرنگ کرنے والا مسلح شخص سابق پولیس اہلکار تھا جسے حال ہی میں برطرف کیا گیا تھا۔ ملزم نے فائرنگ کے بعد اپنے اہلخانہ کو بھی مار کر خود کشی کرلی۔ وزیراعظم نے سوگ کا اعلان کیا اور مرنے والوں کے خاندان سے تعزیت کی ہے۔
