چین اور بھارت کےدرمیان ایک مرتبہ پھر سرحد پر کشیدگی

بیجنگ: چین اور بھارت کےدرمیان ایک مرتبہ پھرلائن آف ایکچوئل کنٹرول پر کشیدگی پیدا ہوئی ہے، سرحدی کشیدگی کا واقعہ بھارتی ریاست اتراکھنڈ میں پیش آیا ہے، بھارتی اخبار دی فیڈرل کے مطابق چین کی پیپلز لبریشن آرمی (پی ایل اے) کے 100 اہلکار 55 گھوڑوں کے ہمراہ بھارت کی حدود میں داخل ہوئے جبکہ چینی وزارت خارجہ کا کہنا ہے کہ بھارت اپنی فارورڈ پالیسی پر عمل پیرا ہے اور غیر قانونی طور پر لائن آف ایکچوئل کنٹرول عبور کرنے کے راستے پر گامزن ہے، نئی دہلی حکومت نے الزام کو رد کرتے ہوئے کہا ہے کہ سرحدوں پر کشیدگی کی اہم وجہ بڑی تعداد میں فورسز کی تعیناتی ہے اور اس تعداد میں کمی کے بغیر باہمی تناؤ کم نہیں ہو گا،بھارت اور چین کے درمیان شمال مشرقی علاقے سکم سے لے کر مشرقی لداخ تک تقریباً 3ہزار کلو میٹر لمبی سرحد ہے۔ بیشتر علاقے میں لائن آف ایکچوئل کنٹرول قائم ہے اور دونوں کے درمیان سرحدی تنازعہ بھی دیرینہ ہے۔