Raza Musani 
اسلام آباد: صدر آصف علی زرداری نے کہا کہ طالبان رجیم نے ایسے حالات پیدا کر دیے ہیں جو نائن الیون کی طرح یا اُس سے بھی بدتر ہیں۔ اسلام آباد میں خودکش حملے پر پاکستان کے ساتھ یکجہتی کے اظہار پر عالمی رہنماؤں کا شکریہ ادا کرتے ہوئے پاکستانی صدر نے دہشت گردی کے خلاف مشترکہ عزم پر زور دیا ہے۔ ن کا کہنا تھا کہ یہ پیغامات اس امر کی توثیق کرتے ہیں کہ دہشت گردی اور پرتشدد نظریات کے خلاف جدوجہد مشترکہ ہے۔ ہمارا مؤقف بہت واضح ہے کہ کوئی ایک ملک تنہا دہشت گردی کا مقابلہ نہیں کر سکتا۔ آصف علی زرداری نے کہا کہ بعض ہمسایہ ممالک بدقسمتی سے دہشت گرد عناصر کو اپنی سرزمین سے پاکستان مخالف کارروائیوں کی اجازت دے کر اس جرم میں شریک ہیں۔ اُن کی جانب سے مالی معاونت کے ساتھ دہشتگردوں کو تکنیکی اور عسکری وسائل بھی فراہم کیے جاتے ہیں۔ انہوں نے انڈیا کا نام لئے بغیر کہاکہ پاکستان کا مشرقی ہمسایہ طالبان رجیم کی معاونت کر کے پاکستان کے ساتھ علاقائی اور عالمی امن کو بھی خطرے میں ڈال رہا ہے۔
