ہرات میں طالبان کے قافلے پر حملہ، 2 افراد ہلاک، 20 زخمی

ہرات : مغربی افغانستان میں مسلح افراد نے طالبان فورسز کے قافلے پر حملہ کردیا۔ فائرنگ سے 2 افراد ہلاک اور 20 زخمی ہو گئے۔ جوابی فائرنگ سے ایک حملہ آور بھی مارا گیا۔ جبکہ دو فرار ہوگئے۔ میڈیا رپورٹ کے مطابق ہرات شہر میں طالبان کے ارکان کو لے جانے والی دو گاڑیوں پر حملہ کیا گیا۔ زخمیوں میں 18 شہری ملازمین اور دو طالب علم شامل ہیں۔ طلوع نیوز نے عینی شاہدین کے حوالے سے بتایا کہ دو فوجی ہلاک اور 20 سے زائد فوجی اور شہری زخمی ہوئے۔